Книгата „Кога заврши војната“ на современиот германски писател Арно Сурмински (1934) е составена од 29 раскази во кои авторот ги опишува последниците од Втората светска војна и искуството на ужасот од поствоениот период. Потпишувањето на капитулацијата во 1945 година, за милиони луѓе не значи и завршување на војната. Авторот го истражува внатрешниот пејзаж на тие луѓе фатени во оваа егзистенцијална замка.