Кога заврши војната

Книгата Кога заврши војната на современиот германски писател Арно Сурмински (1934) е составена од 29 раскази во кои авторот ги опишува последниците од Втората светска војна и искуството на ужасот од поствоениот период. Потпишувањето на капитулацијата во 1945 година, за милиони луѓе не значи и завршување на војната. Таа на еден начин продолжува да трае во луѓето кои мора да се соочуваат со нејзините последици. Надворешните борби се престанати, но внатрешните конфликти и чувството на мачнина кај огромен број поединци продолжуваат. Авторот го истражува внатрешниот пејзаж на тие луѓе фатени во оваа егзистенцијална замка. Тоа го прави без трошка патетика, со згуснати, напнати и минималистички описи, кои на конкретните ужаси и страдања им даваат општочовечка и безвремена димензија.

Превод од германски јазик: Ива Фиданчева

Книгата е издадена со поддршка на програмата за култура на Европската Унија