Жртвено јагне

Ели Амир во оваа книга покажува дека е мајстор на зборот токму преку она што е најтешко, да се долови сложеноста на ситуацијата и на наративно и на карактерно ниво. Неговата реченица е совршено едноставна. Описите се прилагодени на светогледот на главниот јунак, но тие се полни со една неизнасилена лиричност и сензуалност. Јунаците имаат една простодушност, во која авторот, пласира една дискретна иронија која се состои во прекршувањето на големите идеи и зборови на социјалистичкиот кибуц на новото време преку светогледот на младите и едноставни души.